തിരുവനന്തപുരം: ഇന്ന് പൊന്നിൻ ചിങ്ങത്തിലെ തിരുവോണം. ഓണക്കോടിയും, പൂക്കളവും, സദ്യവും, വര്ണ്ണാഭമായ പരിപാടികളും ഒക്കെയായി ലോകമെമ്പാടുമുള്ള മലയാളികൾ ഇന്ന് ഓണം ആഘോഷിക്കുകയാണ്.
ഓരോ കാലത്തും ഒത്തിരി പുതുമകൾ ഏറി വരുന്ന ഓണാഘോഷങ്ങളാണ് നമുക്കുള്ളത്.ഓണാഘോഷങ്ങളും അതനുബന്ധിച്ചുള്ള ഉത്സവങ്ങളും ഒരു വിഭാഗം ജാതിക്കോ മതത്തിനോ അധീനമല്ല എന്ന് ഉറക്കെ പ്രഖ്യാപിച്ചുകൊണ്ട് ജാതിമത വ്യത്യാസങ്ങൾക്കതീതമായി നമ്മുടെ എല്ലാ ഓണാഘോഷ പരിപാടികളും സജീവമാകുന്നുണ്ട്. ഒരുമയുടെയും സൗഹ്യദത്തിന്റെയും കൂട്ടായ്മയാണ് ഓണം.
ഓണത്തിലെ ഒരു പ്രധാന ആഘോഷത്തിൽപ്പെട്ടതാണ് ഓണപ്പൂക്കളം. തിരുവോണദിവസം വരുന്ന മാവേലിത്തമ്പുരാനെ സ്വീകരിക്കുന്നതിന് അത്തം മുതൽ ഒരുക്കങ്ങളാരംഭിക്കുകയാണ്. അത്തം നാളിൽ ആരംഭിച്ച അത്തപൂക്കളം ഇന്നാണ് അവസാനിച്ചത്.
ഉത്രാട നാളിലെ ഒരുക്കങ്ങൾ പൂര്ണതയിലേക്കെത്തുന്ന നേരം കൂടിയാണ് തിരുവോണം. ഓണക്കോടിയും പൂക്കളവും സദ്യയുമൊക്കെ ഓണാഘോഷത്തിന്റെ മാറ്റുകൂട്ടുന്നു. ഓണസദ്യയും പൂക്കളവും പുലിക്കളിയുമൊക്കെ കുടുംബത്തിനും സുഹൃത്തുക്കൾക്കുമൊപ്പമാണ് മലയാളികൾ ആഘോഷിക്കാറുള്ളത്.
