തിരുവനന്തപുരം: തിരുവനന്തപുരത്ത് തൊഴിലാളിയെ ക്രൂരമായി മർദ്ദിച്ച മില്ലുടമ അറസ്റ്റിൽ. തിരുവനന്തപുരം വട്ടിയൂർകാവിലാണ് സംഭവം. തുഷാന്ത് എന്നയാളാണ് പിടിയിലായത്. തമിഴ്നാട് സ്വദേശി ബാലകൃഷ്ണനാണ് ആക്രമണത്തിനിരയായത്.
തന്നെ മൺവെട്ടി കൊണ്ട് വെട്ടുകയും മില്ലിൽ ഉപയോഗിക്കുന്ന ബെൽറ്റ് കൊണ്ട് അടിച്ചെന്നും ബാലകൃഷ്ണൻ മാധ്യമങ്ങളോട് പറഞ്ഞു. മില്ലിലെ തൊഴിലാളിയാണ് ബാലകൃഷ്ണൻ. രണ്ടു വർഷമായി തനിക്ക് ശമ്പളം നല്കാറില്ലെന്നും തന്നെ സ്ഥാപനത്തിൽ നിന്ന് പുറത്തു വിടാതെ ക്രൂരമായി പീഡിപ്പിച്ചുവെന്നും ബാലകൃഷ്ണൻ ആരോപിച്ചു.
അക്രമത്തിൽ ഗുരുതരമായി പരുക്കേറ്റ ബാലകൃഷ്ണനെ നാട്ടുകാർ ഇടപെട്ട് മോചിപ്പിച്ച് ആശുപത്രിയിൽ എത്തിച്ചു. തുടർന്ന് പോലീസിൽ വിവരം അറിയിക്കുകയായിരുന്നു. പരാതിയുടെ അടിസ്ഥാനത്തിൽ ജാമ്യം ലഭിക്കാത്ത വകുപ്പുകൾ ചേർത്താണ് മില്ലുടമ തുഷാന്തിനെ അറസ്റ്റ് ചെയ്തത്.
Share This Post
