തിരുവനന്തപുരം: തിരുവനന്തപുരം റവന്യൂ ജില്ലാ സ്കൂൾ കലോത്സവത്തിന് ഡിസംബർ ഒന്നിന് ആറ്റിങ്ങലിൽ തിരി തെളിയും. അഞ്ച് ദിവസം നീണ്ടു നിൽക്കുന്ന കലാമാമങ്കത്തിൽ ജില്ലയിലെ 1002 സ്കൂളുകളികൾ ഉൾപ്പെടെ 12 വിദ്യാഭ്യാസ ഉപജില്ലകളിൽ നിന്നായി 317 മത്സര ഇനങ്ങളിലായി 8299 മത്സരാർത്ഥികൾ മാറ്റുരയ്ക്കും. അറബിക് സാഹിത്യോത്സവവും, സംസ്കൃതോത്സവവും ഇതോടൊപ്പം നടക്കും.
യു. പി , ഹൈസ്കൂൾ, ഹയർ സെക്കൻഡറി വിഭാഗങ്ങളിൽ നിന്നുള്ളവരാണ് മത്സരാർത്ഥികൾ. ആറ്റിങ്ങൽ ഗവ. ഗേൾസ് ഹയർ സെക്കൻഡറി സ്കൂളാണ് പ്രധാന വേദി. ആറ്റിങ്ങൽ സി.എസ്.ഐ, ടൗൺ യു.പി എസ്, ഡയറ്റ് എൽ. എം. എസ്. എൽ. പി. എസ്, സ്ക്കൗട്ട് ഹാൾ, ബോയിസ് ഹയർസെക്കൻഡറി സ്കൂൾ എന്നിവിടങ്ങളിലെ 14 വേളികളിലാണ് മത്സരങ്ങൾ നടക്കുന്നത്. മത്സരാർത്ഥികൾക്കും, മറ്റും ഭക്ഷണം ഒരുക്കിക്കിരിക്കുന്നത് ആറ്റിങ്ങൽ കോളെജ് ഗ്രൗണ്ടിലാണ്.
Share This Post
