പത്തനംതിട്ട: തിരുവല്ല കുറ്റൂരില് നഴ്സിംഗ് വിദ്യാര്ത്ഥിയെ വീട്ടില് മരിച്ച നിലയില് കണ്ടെത്തി. തമിഴ്നാട്ടിലെ നഴ്സിംഗ് കോളേജില് ഒന്നാംവര്ഷ വിദ്യാര്ത്ഥിയായിരുന്ന ആരോണ് അനില് ജോസിനെയാണ് ഇന്നലെ രാത്രി വീട്ടിലെ കിടപ്പുമുറിയില് തൂങ്ങിമരിച്ച നിലയില് കണ്ടെത്തിയത്.
രണ്ടുദിവസം മുന്പ് ആരോണിന്റെ മൊബൈല് കേടായിരുന്നു. ഇതേത്തുടര്ന്നുളള മനോവിഷമമാണ് ആത്മഹത്യയിലേക്ക് നയിച്ചതെന്നാണ് പ്രാഥമിക വിവരം. പൊലീസ് സംഭവത്തില് അന്വേഷണം ആരംഭിച്ചിട്ടുണ്ട്. മൃതദേഹം താലൂക്ക് ആശുപത്രി മോര്ച്ചറിയിലേക്ക് മാറ്റി. കാനഡയിലുള്ള ആരോണിന്റെ മാതാവ് നാട്ടിലെത്തിയതിന് ശേഷമാകും സംസ്കാരം നടക്കുക.
(ജീവിതത്തിലെ വിഷമസന്ധികള്ക്ക് ആത്മഹത്യയല്ല പരിഹാരം. സമ്മര്ദ്ദങ്ങള് അതിജീവിക്കാന് സാധിച്ചേക്കില്ലെന്ന ആശങ്കയുണ്ടാകുമ്പോള് മാനസികാരോഗ്യ വിദഗ്ധരുടെ സഹായം തേടുക)
Share This Post
