നെടുമങ്ങാട്: നെടുമങ്ങാട് നിയോജക മണ്ഡലം ബിജെപി സ്ഥാനാർഥി യുവരാജ് ഗോകുൽ മണ്ഡലത്തിലെ ആരാധനാലയങ്ങൾ സന്ദർശനത്തിലും പ്രമുഖ വ്യക്തികളെ കാണുന്ന തിരക്കിലും ആയിരുന്നു കഴിഞ്ഞ ദിവസം. മുഖവൂർ ശ്രീ മഹാവിഷ്ണു ക്ഷേത്രത്തിലെ മഹോത്സവത്തിൽ എത്തിയ യുവരാജ് ഗോകുലിനെ ഭക്തജനങ്ങളും ക്ഷേത്ര ഭാരവാഹികളും ചേർന്ന് സ്വീകരിച്ചു. തുടർന്ന് പിരപ്പൻകോട് ശ്രീകൃഷ്ണസ്വാമി ക്ഷേത്രത്തിലെ കൊടിയേറ്റിൽ പങ്കെടുത്തു. പാർട്ടി പ്രവർത്തകർക്കൊപ്പം വാവറ അമ്പലം ,തച്ചപ്പള്ളി, മംഗലത്ത്നട എന്നീ എന്നീ കവലകളിലെ വ്യാപാര സ്ഥാപനങ്ങളിലും വീടുകളിലും സന്ദർശിച്ച് വോട്ട് അഭ്യർത്ഥന നടത്തി. വെമ്പായം പോത്തൻകോട് അണ്ടൂർക്കോണം പഞ്ചായത്തുകളിലെ പ്രമുഖ വ്യക്തികളെ കണ്ടു വോട്ട് അഭ്യർത്ഥന നടത്തി. തുടർന്ന് അയിരൂപ്പാറ കുലിക്കാട്ട് കോണം ദേവീക്ഷേത്രത്തിലെ ക്ഷേത്ര ചടങ്ങുകളിൽ പങ്കെടുത്തു.
Share This Post
