തിരുവനന്തപുരം: തിരുവനന്തപുരം കൊഞ്ചിറ സ്വദേശിയായ ബ്ലോക്ക് പഞ്ചായത്ത് ജീവനക്കാരനെ ദുരൂഹ സാഹചര്യത്തില് റബര് തോട്ടത്തില് മരിച്ച നിലയില് കണ്ടെത്തിയത്. കൊഞ്ചിറ നാലുമുക്ക് ചെറക്കോണം നിഷമന്സിലില് ഷിഹാബുദീന് (53) ആണ് മരിച്ചത്. വീടിനു സമീപത്തെ റബര് തോട്ടത്തില് കത്തിക്കരിഞ്ഞ നിലയിലാണ് ഷിഹാബുദ്ദീന്റെ മൃതദേഹം കണ്ടെത്തിയത്.
വെള്ളനാട് ബ്ലോക്ക് പഞ്ചായത്തിലെ ക്ലര്ക്കാണ് ഷിഹാബുദീന്. ശനിയാഴ്ച വൈകുന്നേരം ആണ് ഷിഹാബുദ്ദീന്റെ മൃതദേഹം കണ്ടെത്തിയത്. മൃതദേഹത്തിന് സമീപത്തു നിന്നും ഒഴിഞ്ഞ പ്ലാസ്റ്റിക് കുപ്പികളും വഴിയില് നിന്നും ഷിഹാബുദീന്റെ ബൈക്കും കണ്ടെടുത്തു. പ്രദേശവാസിയാണ് മൃതദേഹം ആദ്യം കണ്ടത്. ഫൊറന്സിക് ഉദ്യോഗസ്ഥരും ഫിംഗര് പ്രിന്റ് ഉദ്യോഗസ്ഥരും സ്ഥലത്ത് പരിശോധന നടത്തി സാംപിളുകള് ശേഖരിച്ചു. വട്ടപ്പാറ പൊലീസ് ഇന്ക്വസ്റ്റ് നടപടികള് ആരംഭിച്ചു
Share This Post
