വിതുര: വിതുര – പൊൻമുടിയിൽ പാതയിൽ കാർ കുഴിലേയ്ക്ക് മറിഞ്ഞ് 3 പേർക്ക് പരിക്ക്. പൊൻമുടി 12 – മത്തെ വളവിൽ വച്ചാണ് കാറിന്റെ ബ്രേക്ക് കിട്ടാതെ സിഫ്റ്റ് കാർ താഴെയ്ക്ക് പോയി തലകീഴായി മറിഞ്ഞത്. 20 അടി താഴ്ച്ചയിലേയ്ക്കാണ് വാഹനം മറിഞ്ഞത്. കരമനയിൽ നിന്നും നെടുമങ്ങാട് നിന്നും രണ്ട് കാറിൽ വിനോദ സഞ്ചാരത്തിന് വന്നവരാണ് അപകടത്തിൽ പെട്ടത്. അപകടത്തിൽപ്പെട്ട കാറിൽ 5 പേർ ഉണ്ടായിരുന്നു. കരമന സ്വദേശികളാണ് അപകടത്തിൽ പെട്ടത്. രണ്ട് പേർക്ക് തലയ്ക്ക് പരിക്ക് ഉണ്ട്. പൊന്മുടി സന്ദർശിച്ച് തിരികെ ഇറങ്ങി വരുന്ന സമയത്ത് ഏകദേശം 5: 15 നാണ് അപകടം നടന്നത്.
പൊൻമുടി പോലീസും വിതുര ഫയർഫോഴ്സും വിനോദ സഞ്ചാരികളും ചേർന്നാണ് ഇവരെ രക്ഷപ്പെടുത്തിയത്. ആദ്യം വിതുര താലൂക്കാശുപത്രിയിലും പിന്നെ മെഡിക്കൽ കോളെജിലും കൊണ്ട് പോയി.
Share This Post
