പത്തനംതിട്ട: സ്കൂൾ ബസ് മറിഞ്ഞ് അപകടം. പത്തനംതിട്ട ഐത്തലയിലാണ് സംഭവം. ബദനി ആശ്രമം സ്കൂളിന്‍റെ ബസാണ് അപകടത്തിൽ പെട്ടത്. ഒരു വിദ്യാർഥിനിക്കും ആയയ്ക്കുമാണ് പരിക്കേറ്റു. അപകടം നടന്നത് ഇടുങ്ങിയ വഴിയിലായിരുന്നു. റോഡിന് സൈഡിലുള്ള കല്ലിൽ ടയറുകൾ കയറി നിയന്ത്രണം വിട്ട് റോഡിന്‍റെ സൈഡിലെ കുഴിയിലേക്ക് വണ്ടി മറിയുകയായിരുന്നു.
അപകടം നടന്നത് രാവിലെ 8 മണിയോടെയാണ്. 8 കുട്ടികളും ആയയും ബസ് ഡ്രൈവറുമാണ് ബസിൽ ഉണ്ടായിരുന്നത്. 7-ാം ക്ലാസ് വിദ്യാർഥിയായ ആദിത്യനും ആയയ്ക്കുമാണ് പരിക്കേറ്റത്. ആരുടേയും പരിക്ക് ഗുരുതരമല്ല. ആദിത്യനെ വിദഗ്ധ ചികിത്സക്കായി താലൂക്ക് ആശുപത്രിയിൽ നിന്നും കോട്ടയം മെഡിക്കൽ കോളെജിലേക്ക് മാറ്റി.
Share This Post
