കോഴിക്കോട്:പുതുപ്പള്ളി തെരഞ്ഞെടുപ്പിൽ പൂർണ്ണ ആത്മവിശ്വാസത്തിൽ കെ മുരളീധരൻ എം പി. പുതുപ്പള്ളിയിൽ ഭൂരിപക്ഷം 25000 ത്തിൽ കുറയില്ലെന്നാണ് കെ മുരളീധരൻ പറയുന്നത്. ഉമ്മൻ‌ചാണ്ടിയെ വേട്ടയാടിയതിന്‍റ് ചാർജ് ഷീറ്റാകും പുതുപ്പള്ളിയിൽ ജനങ്ങൾ നൽകുകയെന്നും സൈബർ ആക്രമണം ആര് നടത്തിയാലും ശരിയല്ലെന്നും എം പി പറഞ്ഞു.
ചാണ്ടി ഉമ്മൻ്റെ സഹോദരിക്ക് നേരെയും ഇടത് സ്ഥാനാർത്ഥിയുടെ ഭാര്യക്ക് നേരെയും സൈബർ ആക്രമണം ഉണ്ടായി.അത് ശരിയായ നടപടി അല്ലെന്നും സർക്കാർ വസ്തുനിഷ്ഠമായി അന്വേഷിച്ചു നടപടി സ്വീകരിക്കണമെന്നും എം പി വ്യക്തമാക്കി.
സർക്കാർ അച്ചു ഉമ്മനെതിരെ സൈബർ ആക്രമണം നടത്തിയ ആളെ രക്ഷപ്പെടുത്താൻ ശ്രമിക്കുകയാണെന്നും സൈബർ അക്രമണങ്ങൾ കേരളത്തിന്‍റെ സംസ്കാരത്തിന് നിരക്കുന്നതല്ലെന്നും പാർട്ടിക്കുള്ളിലെ ആഭ്യന്തര പ്രശ്നങ്ങൾ ഒക്കെ പുതുപ്പള്ളി തെരെഞ്ഞെടുപ്പിന് ശേഷം വേണം പരിഹരിക്കാനെന്നും അദ്ദേഹം ആരോപിച്ചു.
