കഴക്കൂട്ടം : മംഗലപുരത്ത് കാറിടിച്ച് സൈക്കിൾ യാത്രക്കാരന് ഗുരുതര പരിക്ക്. പോത്തൻകോട് മംഗലപുരം റോഡിൽ കൊയ്‌ത്തൂർക്കോണം ജംഗ്ഷനിലാണ് സംഭവം നടന്നത്.
ബസിനു സൈഡ് കൊടുക്കവേയാണ് അപകടം സംഭവിച്ചത്. ബസ്സിന് സൈഡ് കൊടുക്കവേ കാറിന്റെ നിയന്ത്രണം നഷ്ടപ്പെടുകയായിരുന്നു. തുടർന്ന് സമീപത്തുകൂടി പോയ സൈക്കിൾ ഇടിച്ചുതെറിപ്പിച്ചു. സൈക്കിളിൽ പാലുമായി വന്ന വേങ്ങോട് സ്വദേശി ദിവാകരൻ (64) നെ ഇടിച്ചത്.
ഗുരുതരമായി പരിക്കേറ്റ ദിവാകരനെ മെഡിക്കൽ കോളേജ് ആശുപത്രിയിൽ ചികിത്സയിലാണ്. കാർ ഓടിച്ചിരുന്നത് മണ്ഡപംകുന്ന് സ്വദേശി ബാബുവാണ്. ഇയാൾക്കും പരിക്കുണ്ട്.
മംഗലപുരം പോത്തൻകോട് റോഡിൽ ഇപ്പോൾ അപകടങ്ങൾ പതിവായിരിക്കുകയാണ്. റോഡിലെ കുഴികളും റോഡിന്റെ റീടാറിങ്ങിനായി റോഡിൽ കൊണ്ട് ഇരിക്കിരിക്കുന്ന മെറ്റിൽ കൂനകളുമാണ് അപകടങ്ങൾക്ക് കാരണമാകുന്നത്.
