കൊച്ചി: ശബരിമല തീർത്ഥാടനവുമായി ബന്ധപ്പെട്ട് സർവീസ് നടത്തുന്നതിന് കെഎസ്ആര്‍ടിസിക്ക് മുന്നറിയിപ്പുമായി ഹൈക്കോടതി. ഒരു ബസ് പോലും ഫിറ്റ്നസ് സർട്ടിഫിക്കറ്റ് ഇല്ലാത്ത ഉപയോഗിക്കരുതെന്ന് ഹൈക്കോടതി പറഞ്ഞു. ഒരു തീർഥാടകനെ പോലും നിർത്തിക്കൊണ്ട് പോവാൻ പാടില്ലെന്നും അത് ശ്രദ്ധയിൽപ്പെട്ടാൽ നടപടിയെടുക്കുമെന്നും ഹൈക്കോടതി പറഞ്ഞു.
അതെ സമയം മണ്ഡല മകരവിളക്കിനായി ഒരുങ്ങിയിരിക്കുകയാണ് സന്നിധാനം. നാളെ വൈകിട്ട് അഞ്ചു മണിക്കാണ് നട തുറക്കുന്നത്. ആദ്യ ആഴ്ചത്തെ വെർച്വൽ ബുക്കിംഗ് പൂർത്തിയായിരിക്കുകയാണ്. പുലർച്ചെ 3 മണി മുതൽ ഉച്ചയ്ക്ക് ഒരു മണി വരെയും വൈകിട്ട് മൂന്നു മുതൽ രാത്രി 11 മണി വരെയുമായിരിക്കും ദർശനസമയം.
