തിരുവനന്തപുരം: തിരുവനന്തപുരത്ത് നിയന്ത്രണം വിട്ട് കാര്‍ മറിഞ്ഞ് രണ്ടര വയസുകാരന്‍ മരിച്ചു. നെടുമങ്ങാട് പുതുകുളങ്ങരയിലാണ് സംഭവം. ഇന്നലെ രാത്രി 12 മണിയോടെയായിരുന്നു അപകടം നടന്നത്.
ആര്യനാട് -പറണ്ടേട് സ്വദേശി വിഷ്ണുവിന്‍റേയും കരിഷ്മയുടേയും മകൻ ഋതിക് ആണ് മരിച്ചത്. 3 കുട്ടികളുൾപ്പെടെ 7 പേരാണ് കാറിലുണ്ടായിരുന്നത്. പുതുകുളങ്ങര പാലത്തിന് സമീപമാണ് അപകടം നടന്നത്. പാലത്തിനു സമീപമെത്തിയപ്പോൾ കാറിന്റെ നിയന്ത്രണം നഷ്ടപ്പെടുകയായിരുന്നു. തടുർന്ന് നിയന്ത്രണം പാലത്തിന് സമീപത്തെ കുറ്റിയില്‍ ഇടിച്ച് വാഹനം മറിഞ്ഞു.
ഇതിനിടെ ഇടിയുടെ ആഘാതത്തില്‍ ഡോർ തുറന്ന് പിന്‍വശത്തെ സീറ്റിലായിരുന്ന കുഞ്ഞ് തെറിച്ച് പുറത്തേക്ക് വീഴുകയും കുട്ടിയുടെ മുകളിലേക്ക് കാര്‍ മറിയുകയുമായിരുന്നു. കുട്ടി സംഭവ സ്ഥലത്ത് വച്ച് തന്നെ മരിച്ചു. പരിക്കേറ്റവരെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
