തിരുവനന്തപുരം: 9,10 തീയ്യതികളില് തിരുവനന്തപുരം നഗരത്തില് ജല വിതരണം തടസ്സപ്പെടും. ഒബ്സര്വേറ്ററി ഹില്സിലെ ഗംഗാദേവി, ഒബ്സര്വേറ്ററി ജലസംഭരണികളില് ജല അതോറിറ്റിയുടെ ശുചീകരണ പ്രവര്ത്തനങ്ങള് നടത്തുന്നതിനാലാണ് ജലവിതരണം മുടങ്ങുക. രാവിലെ 8 മുതല് രാത്രി 8 വരെയാണ് ജലവിതരണം തടസ്സപ്പെടുക. 9ന് ഗംഗാദേവി ജലസംഭരണിയിലും 10ന് ഒബ്സര്വേറ്ററി സംഭരണിയിലും ശുദ്ധീകരണം നടക്കും.
ഒബ്സര്വേറ്ററി ഹില് ഏരിയ, വെള്ളയമ്പലം, വഴുതക്കാട്, നന്ദാവനം, തൈക്കാട്, വലിയശാല, മേട്ടുക്കട, പിഎംജി, സ്റ്റാച്യു, പാളയം, പട്ടം, പ്ലാമൂട്, മുറിഞ്ഞപാലം, കുമാരപുരം, നന്തന്കോട്, ലോ കോളജ്, ഗൗരീശപട്ടം, കുന്നുകുഴി, ലെനിന്നഗര്, കണ്ണമൂല, പാറ്റൂര് എന്നീ സ്ഥലങ്ങളിലാണ് 9ന് ജല വിതരണം തടസ്സപ്പെടുക. 10ന് നന്ദാവനം, ബേക്കറി, ഊറ്റുകുഴി, സെക്രട്ടേറിയറ്റ്, ജിപിഒ, പുളിമൂട്, മാഞ്ഞാലിക്കുളം റോഡ്, ആയുര്വേദ കോളജ്, ഗാന്ധാരി അമ്മന്കോവില് റോഡ്, മേലേതമ്പാനൂര്, വഴുതക്കാട്, തൈക്കാട്, രാജാജി നഗര് എന്നീ സ്ഥലങ്ങളിലും.
