തിരുവനന്തപുരം: തിരുവനന്തപുരം വർക്കലയിൽ ബൈക്കും കാറും കൂട്ടിയിടിച്ച് അപകടം. വർക്കല പണയിൽ കടവ് പാലത്തിനു സമീപമാണ് അപകടം നടന്നത്. അപകടത്തിൽ യുവാവ് മരിച്ചു. വർക്കല കാപ്പിൽ സ്വദേശിയായ പ്രദീപാണ് (35) മരിച്ചത്.
വർക്കലയിലേക്ക് പോയ കാറും പണയിൽ കടവ് ഭാഗത്തേക്ക് പോയ സ്കൂട്ടിയും കൂട്ടിയിടിച്ചാണ് അപകടമുണ്ടായത്. സ്കൂട്ടറിൽ രണ്ടു പേരാണ് ഉണ്ടായിരുന്നത്. അപകടത്തിൽ സ്കൂട്ടറിൽ കൂടെയുണ്ടായിരുന്ന ആൾക്ക് ഗുരുതര പരിക്കേറ്റു.
അകത്തുമുറി സ്വദേശിയായ 36 വയസ്സുള്ള ഷിബുവാണ് ഗുരുതര പരിക്കുകളോടെ ചിറയിൻകീഴ് താലൂക്ക് ആശുപത്രിയിൽ ചികിത്സയിൽ തുടരുന്നത്. ഇടിയുടെ ആഘാതത്തിൽ സ്കൂട്ടറിന്റെ പിൻവശത്തിരുന്ന ഷിബു തെറിച്ച് റോഡരികിലുള്ള വീട്ടിൻ്റെ മതിലിനു മുകളിലൂടെ മറുവശത്ത് വീഴുകയായിരുന്നു.
