കഴക്കൂട്ടം: നവകേരള സദസ്സിന് മുന്നോടിയായി കൃഷിവകുപ്പിന്റെ ആഭിമുഖ്യത്തിൽ കഴക്കൂട്ടം മണ്ഡലത്തിൽ കർഷക സംഗമവും കിസാൻ മേളയും സംഘടിപ്പിച്ചു. 1500 ലധികം കർഷകരും കർഷക തൊഴിലാളികളും പങ്കെടുത്ത കർഷക സംഗമത്തിന്റെ ഉദ്ഘാടനം മുൻ സ്പീക്കറും മുൻ മന്ത്രിയുമായ എം. വിജയകുമാർ നിർവഹിച്ചു. കടകംപള്ളി സുരേന്ദ്രൻ എം.എൽ.എ അധ്യക്ഷനായ ചടങ്ങിൽ മുൻ കൃഷി മന്ത്രി വി. എസ് സുനിൽകുമാർ മുഖ്യ പ്രഭാഷണം നടത്തി.
സർക്കാർ സ്ഥാപനങ്ങൾ , കൃഷിക്കൂട്ടങ്ങൾ, കർഷകർ, നവ സംരംഭകർ തുടങ്ങിയവരുടെ കാർഷിക പ്രദർശനവും വിപണനവും നടന്നു.
ചെമ്പഴന്തി ഇന്റർനാഷണൽ കൺവെൻഷൻ സെന്റർ ഓഡിറ്റോറിയം, ശ്രീനാരായണ ഗുരുകുലത്തിൽ നടന്ന ചടങ്ങിൽ കൗൺസിലർമാരായ
എൽ.എസ് സാജു ,വി.എസ് പത്മകുമാർ , ഡി.രമേശൻ, പ്രിൻസിപ്പൽ കൃഷി ഓഫീസർ എസ്. അനിൽകുമാർ ,ആത്മ പ്രൊജക്ട് ഡയറക്ടർ ടി.മിനി, എൻ.ഡബ്ല്യൂ ഡി.പി.ആർ.എ ഡെപ്യൂട്ടി ഡയറക്ടർ ആർ. കൃഷ്ണകുമാരി , കഴക്കൂട്ടം കൃഷി അസിസ്റ്റൻറ് ഡയറക്ടർ റീജ.എസ് ധരൻ എന്നിവരും പരിപാടിയിൽ സന്നിഹിതരായി.
