കീവ്: ഉക്രെയ്‌നിലെ കീവിലെ തുറമുഖ നഗരമായ ഒഡേസയ്ക്ക് സമീപം റഷ്യ നടത്തിയ മിസൈല്‍ ആക്രമണത്തില്‍ 18 പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തു. ബില്‍ഹോറോഡ്-ഡ്‌നിസ്‌ട്രോവ്‌സ്‌കി ജില്ലയിലെ സെര്‍ഹിവ്ക ഗ്രാമത്തിലെ കെട്ടിടത്തില്‍ പുലര്‍ച്ചെ ഒരു മണിയോടയാണ് മിസൈല്‍ പതിച്ചത്. അപകട സ്ഥലത്തുനിന്ന് 41 പേരെ രക്ഷപ്പെടുത്താനായതായി അധികൃതര്‍ അറിയിച്ചു.
152 പേര്‍ താമസിച്ചിരുന്ന കെട്ടിടത്തില്‍ ഇനിയും ആളുകള്‍ കുടുങ്ങിക്കിടക്കുന്നതായും അവരെ കണ്ടെത്താനുള്ള രക്ഷാപ്രവര്‍ത്തനം തുടരുകയാണെന്നും അധികൃതര്‍ കൂട്ടിച്ചേര്‍ത്തു.
സോവിയറ്റ് കാലഘട്ടത്തിലെ Kh-22 മിസൈലുകളാണ് റഷ്യ ഉപയോഗിച്ചതെന്നും അധികൃതര്‍ പറഞ്ഞു.
തിങ്കളാഴ്ച സെന്‍ട്രല്‍ സിറ്റിയായ ക്രെമെന്‍ചുക്കിലെ തിരക്കേറിയ ഷോപ്പിംഗ് മാളില്‍ റഷ്യന്‍ ബോംബര്‍ തൊടുത്ത Kh-22 മിസൈല്‍ ആക്രമണത്തില്‍ 19 പേര്‍ കൊല്ലപ്പെട്ടിരുന്നു.
