തിരുവനന്തപുരം : ദേവസ്വം ബോർഡുകളിൽ വിജിലൻസ് സംവിധാനം ശക്തിപ്പെടുത്തുമെന്ന് മന്ത്രി കെ രാധാകൃഷ്ണൻ. ഇതിനൊപ്പം ആഭ്യന്തര ഓഡിറ്റിങ്ങ് കൂടുതൽ വിപുലപ്പെടുത്തുമെന്നും ദേവസ്വം വകുപ്പിന്റെ ധനാഭ്യർത്ഥനയിൽ മന്ത്രി വ്യക്തമാക്കി.
ദേവസ്വം ബോർഡുകളിൽ അഴിമതിയുണ്ടെന്ന ആക്ഷേപത്തോട് വിട്ടുവീഴ്ചയില്ലാത്ത സമീപനം സ്വീകരിക്കും. വിജിലൻസ് – ആഭ്യന്തര ഓഡിറ്റിങ്ങ് വഴി ആക്ഷേപങ്ങൾ ഒഴിവാക്കും. ക്ഷേത്രങ്ങളിൽ കൂടുതൽ സൗകര്യം ഏർപ്പെടുത്തി വരുമാനം മെച്ചപ്പെടുത്താൻ മാർഗങ്ങൾ ആവിഷ്ക്കരിക്കുമെന്നും അദ്ദേഹം വ്യക്തമാക്കി.
