സ്പാനിഷ് ഇറ്റാലിയൻ താരം ആൻഡ്രിയ റവേറ ആദ്യമായി മലയാളത്തിലെത്തുന്ന ചിത്രം രണ്ട് രഹസ്യങ്ങളുടെ ക്യാരക്റ്റർ പോസ്റ്റർ പുറത്തിറങ്ങി. നവാഗതരായ അജിത് കുമാർ രവീന്ദ്രനും അർജുൻ ലാലുമാണ് ചിത്രത്തിന്റെ തിരക്കഥയും സംവിധാനവും നിർവഹിച്ചിരിക്കുന്നത്.
വ്യത്യസ്തമായ രണ്ട് കഥകളിലൂടെയാണ് ചിത്രം പുരോഗമിക്കുന്നത്. ശേഖർ മേനോൻ, വിജയ് കുമാർ പ്രഭാകരൻ, നിസ്താർ സേട്ട്, രാജേഷ് ശർമ്മ, പാരീസ് ലക്ഷ്മി, ദിവ്യ ഗോപിനാഥ്‌ തുടങ്ങിവർ പ്രധാന വേഷങ്ങളിലെത്തുന്നു. സി ടി വിശ്വജിത് ആണ് ചിത്രത്തിന്റെ സംഗീതം ഒരുക്കുന്നത്. ടീസർ റെജിൻ വി ആർ ആണ് തയ്യാറാക്കിയത്.
