കണ്ണൂർ : കാലവർഷം വ്യാപകമായതിനെ തുടർന്ന് കണ്ണൂരിൽ മഴ ശക്തമായി തന്നെ തുടരുകയാണ്. കൊട്ടിയൂർ മാനന്തവാടി പാത മണ്ണിടിഞ്ഞ് വീണു തടസ്സപ്പെടുകയും ചെയ്തിട്ടുണ്ട്. പാൽചുരം ചെകുത്താൻ റോഡിനു സമീപം ആണ് സംഭവം. വൈകീട്ട് നാലു മണിയോടെ വലിയ കരിങ്കൽ കൂട്ടവും മണ്ണും മരങ്ങളും റോഡിലേക്ക് പതിക്കുകയായിരുന്നു. തുടർന്ന് ഫയർഫോഴ്സും നാട്ടുകാരും പോലീസും ചേർന്ന് കല്ലുമാറ്റുവാനുള്ള ശ്രമം തുടങ്ങിയിട്ടുണ്ട്.
ഇടുക്കിയിലും മഴ അതിരൂക്ഷമാണ്. ഈ പശ്ചാത്തലത്തിൽ നാളെ ജില്ലയിൽ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്. എന്നാൽ മുൻപ് നിശ്ചയിച്ചിരുന്ന പരീക്ഷകളും അഭിമുഖങ്ങളും നടക്കും. ഇടുക്കിയിൽ പതിനൊന്ന് വീടുകൾ ഇതിനോടകം ഭാഗീകമായി തകർന്നു.
