തൊടുപുഴ : ബിഗ് ബോസ് താരം റോബിൻ സഞ്ചരിച്ച കാർ അപകടത്തിൽപെട്ടു. തൊടുപുഴയിലെ ഉത്‌ഘാടനത്തിനായി പോകവെയാണ് റോബിൻ അപകടത്തിൽപെട്ടത്. എന്നാൽ അത്ഭുതകരമായി അപകടത്തിൽ നിന്നും രക്ഷപെട്ട റോബിൻ ഉത്‌ഘാടനത്തിനെത്തുകയും ചെയ്തു.
‘വരുന്ന വഴി എന്റെ കാർ കൊക്കയിലേക്ക് മറിഞ്ഞു. കാർ ഒരു കല്ലിൽ തട്ടിനിന്നതുകൊണ്ടു മാത്രം രക്ഷപെട്ടു. എന്നിട്ടും നിങ്ങളെ കാണാൻ വേണ്ടിയാണ് ഞാൻ വന്നത്.’ ഉത്‌ഘാടന പരിപാടിയിൽ റോബിൻ പറഞ്ഞു.
ബിഗ് ബോസ് സീസൺ നാലിൽ വലിയ ആരാധകവൃന്ദമുള്ള മത്സരാർഥിയായിരുന്നു റോബിൻ. സഹമത്സരാർഥിയായ റിയാസ് സലീമിനെ ശാരീരികമായി കയ്യേറ്റം ചെയ്തതിനാലാണ് റോബിൻ ഷോയിൽ നിന്നും പുറത്തായത്.
