spot_imgspot_img

തലസ്ഥാന നഗരിയിൽ നടുറോഡിൽ കാർ സ്റ്റീരിയോ മോഷണം: സിനിമാ സ്റ്റൈലിൽ കള്ളനെ പിടികൂടിയത് സിനിമാ നടനായ പോലീസുകാരൻ

Date:

തിരുവനന്തപുരം: തലസ്ഥാന നഗരിയില്‍ നടുറോഡില്‍ കാര്‍ സ്റ്റീരിയോ മോഷണം നടത്തിയ കള്ളനെ സിനിമ സ്‌റ്റൈലില്‍ പിടികൂടി പോലീസ്. തിരുവനന്തപുരം പിഎംജിയ്ക്ക് സമീപത്തെ കണ്‍ട്രോള്‍ റൂമിലെ പോലീസുകാരനും ചലച്ചിത്രതാരവുമായ ജിബിന്‍ ഗോപിനാഥിന്റെ കാറില്‍നിന്ന് സ്റ്റീരിയോ മോഷ്ടിച്ച മോഷ്ടാവിനെയാണ് കയ്യോടെ പിടികൂടിയത്.

വീടിനുള്ളിലേക്ക് വണ്ടികയറാത്തതിനാൽ പട്ടം പ്ലാമൂട് റോഡിനു സമീപം വീട്ടിലേക്കുള്ള വഴിയിലാണ് ജിബിൻ കാർ പാർക്ക് ചെയ്യുന്നത്. പതിവുപോലെ ജോലികഴിഞ്ഞു വന്നു വണ്ടി പാർക്ക് ചെയ്തു വീട്ടിനുള്ളിലേക്ക് പോയ ജിബിൻ വ്യാഴായ്ച്ച വൈകുന്നേരം ആറുമണിയോടുകൂടി കുഞ്ഞിന് ചോക്ലേറ്റ്‌ വാങ്ങുന്നതിനായി സമീപത്തുള്ള കടയിൽ പോകുന്നതിനു പുറത്തിറങ്ങിയപ്പോൾ കാറിനോട് ചേർന്ന് ഒരു ഓട്ടോറിക്ഷ കിടക്കുന്നതു ശ്രദ്ധയിൽപെട്ടു. പിന്നാലെ കാറിലേക്ക് നോക്കുമ്പോൾ ആണ് മോഷ്ട്ടാവ് ഡ്രൈവർ സീറ്റിൽ നിന്നും കാറിന്റെ സ്റ്റീരിയോയുമായി പുറത്തിറങ്ങുന്നത് കണ്ടത്.

എന്താണന്നു ചോദിച്ചപ്പോൾ സ്റ്റീരിയോ വയ്ക്കാൻ വന്നത് എന്നതായിരുന്നു മറുപടി. കാറിന്റെ ഉടമസ്ഥനാണ് ജിബിൻ എന്നത് മോഷ്ട്ടാവ് തിരിച്ചറിഞ്ഞിരുന്നില്ല. പിന്നാലെ തന്ത്രത്തിൽ ജിബിൻ തന്നെ മോഷ്ടാവിനെ കയ്യോടെ പിടികൂടുകയായിരുന്നു. ആനയറ സ്വദേശി നിതീഷാണ് പിടിയിലായത്. പിന്നീട് മ്യൂസിയം പോലീസ് സ്ഥലത്തെത്തി യുവാവിനെ കസ്റ്റഡിയിൽ എടുത്തു.

നഗരത്തിലെ തന്നെ ഒരു പ്രമുഖ കാർ ഷോറുമിലെ ജീവനക്കാരാണ് പിടിയിലായ നിതീഷ്. ഇയാളുടെ സഹോദരന്റെ ഓട്ടോയിലാണ് മോഷണത്തിന് എത്തിയത്. മോഷ്ടാവിൽ നിന്നും പതിനായിരത്തോളം രൂപയും നിരവധി എ ടി എം കാർഡുകളും പോലീസ് കണ്ടെടുത്തു. ഇതിനു മുൻപും ഇത്തരത്തിൽ ഇയാൾ മോഷണം നടത്തിവരുന്നു എന്നതാണ് ലഭിക്കുന്ന വിവരം.

Share This Post

LEAVE A REPLY

Please enter your comment!
Please enter your name here

Subscribe

Popular

More like this
Related

ചന്തവിള – റിട്ട: അദ്ധ്യാപിക വിമലകുമാരി അന്തരിച്ചു

കഴക്കൂട്ടം: ചന്തവിള അഭിരാമത്തിൽ അനിൽകുമാറിന്റെ ഭാര്യ വിമലകുമാരി എസ് (56 -റിട്ടയേഡ്...

നിപയല്ല, യുവതിയുടെ പരിശോധന ഫലം നെഗറ്റിവ്

കോഴിക്കോട്: നിപാ രോഗ ലക്ഷണങ്ങളോടെ കോഴിക്കോട് മെഡിക്കൽ കോളേജിൽ ചികിത്സയിലായിരുന്ന മലപ്പുറം...

ഗോകുലം റെയ്ഡ് അവസാനിച്ചു; കോടികൾ പിടിച്ചെടുത്തതായി സൂചന

ചെന്നൈ: വ്യവസിയും സിനിമ നിർമ്മാതാവുമായ ഗോകുലം ഗോപാലന്റെ ഓഫീസുകളിലെ ഇ ഡി...

പൃഥ്വിരാജിന് ആദായ നികുതി വകുപ്പ് നോട്ടീസ്

തിരുവനന്തപുരം: നടനും സംവിധായകനുമായ പൃഥ്വിരാജിന് ആദായ നികുതി വകുപ്പിന്റെ നോട്ടീസ്. മുൻ...
Telegram
WhatsApp