വെമ്പായം: തേക്കട – മംഗലപുരം ലിങ്ക് റോഡ് പദ്ധതി ഉപേക്ഷിക്കണം എന്ന് ആവശ്യം ഉയർത്തി പ്രതിഷേധയോഗവും ജ്വാലയും. തലയ്ക്കോണം കാരമൂട് ആക്ഷൻ കൗൺസിൽ സംഘടിപ്പിച്ച പ്രതിഷേധം പ്രതിരോധ സമതി കൺവീനർ ഷാജിർ ഖാൻ ഉദ്ഘാടനം ചെയ്തു. ടെക്‌നോസിറ്റി പദ്ധതിയ്ക്കും N H66 വികസനത്തിനും വേണ്ടി വീടും കൃഷിഭൂമിയും വിട്ട് നൽകിയവരാണ് ഈ നാട്ടുകാരെന്നും വീണ്ടും ഈ ആളുകളുടെ കൃഷിഭൂമിയും വീടുകളും വീണ്ടും ഏറ്റെടുക്കുന്നത് ജനാതിപത്യ സർക്കാരിന് ചേർന്ന നടപടിയല്ലെന്നും ആക്ഷൻ കൗൺസിൽ ആവശ്യപ്പെട്ടു.
അതുകൊണ്ട് നാഷണൽ ഹൈവേ പുറപ്പെടുവിച്ച 3A നോട്ടിഫിക്കേഷൻ പിൻവലിയ്ക്കണമെന്ന് ആക്ഷൻ കൗൺസിൽ ആവശ്യപ്പെട്ടു. ആക്ഷൻ കൗൺസിൽ ജനറൽ കൺവീനർ അഷറഫ് അധ്യക്ഷത വഹിച്ചു,ബ്ലോക്ക് പഞ്ചായത്തംഗം ഷഹിൻ മംഗലപുരം, മുൻ ബ്ലോക്ക് പഞ്ചായത്ത് പ്രസിഡൻ്റ് അഡ്വ.എം.മുനീർ, മെമ്പർ ഖുറൈഷാ ബീവി, ദേശാഭിമാനി ഗോപി,മംഗലപുരം മൻസൂർ, പൂലന്തറ മണികണ്ഠൻ, ഷൈജു ഷിനോജ്, തൗഫീഖ്പണയിൽ, എം കെ ഹാഷിം ,തുടങ്ങിയവർ സംസാരിച്ചു.
