മുംബൈ: മുംബൈയിൽ ഭീകരാക്രമണം നടത്തുമെന്ന് ഭീഷണി. താലിബാനി അംഗമാണെന്ന് അവകാശപ്പെടുന്ന ഒരു അജ്ഞാത വ്യക്തിയിൽ നിന്നാണ് ദേശീയ അന്വേഷണ ഏജൻസിക്ക് (എൻഐഎ) മെയിൽ ലഭിച്ചതെന്ന് പൊലീസ് വൃത്തങ്ങൾ അറിയിച്ചു.
മെയിൽ ലഭിച്ചതിനെ തുടർന്ന് മഹാരാഷ്ട്രയിലെ വിവിധ നഗരങ്ങളിൽ ജാഗ്രതാ നിർദ്ദേശം നൽകി. സംഭവവികാസത്തെക്കുറിച്ച് എൻഐഎ മുംബൈ പൊലീസിനെ അറിയിച്ചതായി വൃത്തങ്ങൾ അറിയിച്ചു.
” സ്വയം താലിബാനിയാണെന്നാണ് ഭീഷണി മെയിൽ അയച്ചയാൾ വിശേഷിപ്പിച്ചത്. മുംബൈയിൽ ഭീകരാക്രമണമുണ്ടാകുമെന്ന് പറഞ്ഞു,” മുംബൈ പൊലീസ് വൃത്തങ്ങൾ പറഞ്ഞു. ഭീഷണി സന്ദേശം ലഭിച്ചതിനെ തുടർന്ന് എൻഐഎയും മുംബൈ പൊലീസും ചേർന്ന് സംയുക്ത അന്വേഷണം ആരംഭിച്ചിട്ടുണ്ട്.
