തിരുവനന്തപുരം: എം ജി റോഡിൽ രാവിലെ മുതൽ വൻ ഗതാഗതക്കുരുക്ക്. സ്കൂൾ വാഹനങ്ങളും ആംബുലൻസുകളും കുരുക്കിൽ കുടുങ്ങി. സെക്രട്ടറിയറ്റിന് മുന്നിൽ കോൺഗ്രസിന്റെ രാപകൽ സമരം റോഡടച്ച് നടത്തിയതിനെ തുടർന്നാണ് ഗതാഗതക്കുരുക്കുണ്ടായത്. നേതാക്കളുടേയും പ്രവർത്തകരുടേയും വാഹനങ്ങൾ തലങ്ങും വിലങ്ങും പ്രധാന റോഡിൽ പാർക്ക് ചെയ്യുകയായിരുന്നു. പ്രവർത്തകരും നേതാക്കളും സെക്രട്ടറിയറ്റിന് മുന്നിലെ പ്രധാന റോഡിൽ കസേരയിട്ട് നിരന്നിരുന്നു വഴി തടഞ്ഞു. ഒരു വശം വഴി ഗതാഗതം തിരിച്ചു വിടാൻ പൊലീസ് ശ്രമിച്ചെങ്കിലും കുരുക്കിന് അയവുണ്ടായില്ല.
