ഡമാസ്കസ: സിറിയന്‍ തലസ്ഥാനമായ ഡമാസ്കസിൽ ഇസ്രായൽ വ്യോമാക്രമണം. ആക്രമണത്തിൽ 15 പേർ കൊല്ലപ്പെട്ടതായും നിരവധി പേർ പരിക്കേറ്റതായും അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. ആക്രമണം നടന്നത് ഞായറാഴ്ച പുലർച്ചെ 12.30നായിരുന്നു. 10 നില കെട്ടിടത്തിന് നേർക്കാണ് ആക്രമണം നടന്നത്.
വ്യോമാക്രണം നടന്നത് ഡമാസ്‌കസിലെ ഇറാനിയന്‍ കള്‍ച്ചറല്‍ സെന്‍ററിന് സമീപത്തെ ജനവാസ മേഖലയിലാണ്. ആക്രമണം നടന്നതായി സിറിയന്‍ പ്രതിരോധ മന്ത്രാലം സ്ഥിരീകരിച്ചു. തകർന്ന കെട്ടിടത്തിന്‍റെ ചിത്രങ്ങളും സിറിയന്‍ ഓദ്യോഗിക മാധ്യമങ്ങൾ പുറത്തുവിട്ടു.
ഒരു മാസം മുന്‍പ് ഡമാസ്ക്സ വിമാനത്താവളത്തിന് നേർക്ക് ഇസ്രായൽ നടത്തിയ വ്യോമാക്രമണത്തിൽ 4 പേർ കൊല്ലപ്പെട്ടിരുന്നു.
