തിരുവനന്തപുരം: യുവാവിനെ കമ്പിപ്പാര കൊണ്ട് ആക്രമിച്ച കേസ്സിൽ 2 പേരെ പോലീസ് പിടികൂടി. അതിയന്നൂർ,കണ്ണറവിള നെല്ലിമൂട്, പ്ലാവറത്തല പുത്തൻ വീട്ടിൽ ചിക്കു (28), അയിരൂപ്പാറ, ചന്തവിള, കാട്ടായിക്കോണം, വിപഞ്ചികയിൽ അനന്തു വിജയ് (28) എന്നിവരെയാണ് കഴക്കൂട്ടം പോലീസ് പിടികൂടിയത്.
ജനുവരി 1 വെളുപ്പിന് 3 മണിയോടെയാണ് സംഭവം നടന്നത്. അമ്പലത്തിൻകര പഞ്ചായത്ത് കിണറിന് സമീപം വെച്ച് പ്രതികൾ അമ്പലത്തിൻകര സ്വദേശിയായ യുവാവിനെയും സുഹൃത്തുക്കളെയും കൊണ്ട് ആക്രമിക്കുകയായിരുന്നു.
ന്യൂ ഇയർ ആഘോഷത്തിനിടയിൽ നടന്ന തർക്കമാണ് ആക്രമണത്തിന് കാരണം. ഈ കേസ്സിലെ പ്രതിയായ ചിക്കുവിന് തുമ്പ പോലീസ് സ്റ്റേഷനിലും, അനന്തുവിന് കഴക്കൂട്ടം സ്റ്റേഷനിലും മുൻപ് കേസ്സുകളുണ്ട്. കഴക്കൂട്ടം എസ്.എച്ച്.ഒ പ്രവീൺ ജെ.എസ്സ്, എസ്.ഐമാരായ മിഥുൻ, ശരത്ത്, സി.പി.ഒമാരായ പ്രഭിൻ, വിജേഷ് എന്നിവരടങ്ങിയ പോലീസ് സംഘമാണ് പ്രതികളെ പിടികൂടിയത്.
