വരാപ്പുഴ: എറണാകുളം വരാപ്പുഴയിൽ പടക്ക നിർമാണ ശാലയിൽ വൻ സ്ഫോടനം. പൊട്ടിത്തെറിയിൽ ഒരാൾ മരിച്ചു. വരാപ്പുഴ മുട്ടിനകത്തെ പടക്കശാലയിലാണു പൊട്ടിത്തെറിയുണ്ടായത്. ആറോളം പേർക്ക് പരുക്കേറ്റിട്ടുണ്ടെന്നാണ് പ്രാഥമിക വിവരം. മൂന്നു പേരുടെ നില ഗുരുതരമാണ്. മൂന്നു കുട്ടികൾക്കും പരുക്കേറ്റു. ഇവരെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
പൊട്ടിത്തെറിയുണ്ടായത് വൈകീട്ട് 5 മണിയോടെയാണ്. വൻ സ്ഫോടനമാണ് ഉണ്ടായതെന്നു സമീപവാസികൾ പറയുന്നു. വളരെ അകലെ വരെ സ്ഫോടനത്തിന്റെ പ്രകമ്പനം അനുഭവപ്പെട്ടു. പടക്കശാല പ്രവർത്തിച്ചിരുന്ന കെട്ടിടം പൂർണമായും തകർന്നു.
