പൊഴിയൂർ: വിവിധ കേന്ദ്രസർക്കാർ സ്ഥാപനങ്ങളായ റെയിൽവേ,, പോസ്റ്റൽ വകുപ്പ്, എഫ്.സി.ഐ എന്നിവിടങ്ങളിൽ നിന്ന് തട്ടിപ്പു നടത്തിയ തമിഴ്നാട്, നാഗപട്ടണത്ത് കൊട്ടകം സ്വദേശി ഗിരീഷ് കുമാർ രാജ് (47 ) നെയാണ് പൊഴിയൂർ പോലീസ് അറസ്റ്റ് ചെയ്തത്.
കേരളത്തിലെ വിവിധ ജില്ലകളിലെ സ്ഥലങ്ങളിൽ നിന്നായി പലരിൽ നിന്നും ലക്ഷങ്ങൾ തട്ടിയെടുത്ത കേസിലാണ് പൊഴിയൂർ പോലീസ് ഇയാളെ കസ്റ്റഡിയിൽ എടുത്തത്. 2022 ൽ രജിസ്റ്റർ ചെയ്ത കേസിലെ പ്രതിയാണ് അറസ്റ്റിലായത്.
ജില്ല പോലീസ് മേധാവിയുടെ നിർദ്ദേശ അനുസരണം പൊഴിയൂർ എസ് എച്ച് ഒ സതികുമാറും എസ് ഐ രാജേഷ്, ശശികുമാരൻ , എന്നിവർ ചേർന്നാണ് പ്രതിയെ ചെന്നൈയിൽ നിന്നും അറസ്റ്റ് ചെയ്തത്. പ്രതിയെ നെയ്യാറ്റിൻകര കോടതിയിൽ ഹാജരാക്കി.
