തിരുവനന്തപുരം: എൽഡിഎഫ് കൺവീനർ ഇ.പി. ജയരാജൻ മുഖ്യമന്ത്രി പിണറായി വിജയനുമായി കൂടിക്കാഴ്ച്ച നടത്തി. ഇപി- മുഖ്യമന്ത്രി കൂടിക്കാഴ്ച്ച ശനിയാഴ്ച്ച വൈകിട്ടായിരുന്നു. പാർട്ടിയിൽ കൂടുതൽ സജീവമാവണമെന്ന് മുഖ്യമന്ത്രി ആവശ്യപ്പെട്ടതായാണ് സൂചന. കോഴിക്കോട് സെമിനാർ നടക്കുമ്പോൾ ഡിവൈഎഫ്ഐയുടെ പരിപാടിയിൽ പങ്കെടുക്കാൻ ഇപി തിരുവനന്തപുരത്തേക്ക് തിരിക്കുകയായിരുന്നു.
ഏക വ്യക്തി നിയമത്തിനെതിരായ പ്രതിഷേധ പരിപാടികൾ തീരുമാനിക്കുന്ന യോഗത്തിലും ഇപിയുടെ സാന്നിധ്യമുണ്ടായിരുന്നില്ല. ആരോഗ്യ പ്രശ്നങ്ങളുണ്ടെന്നും ചൂണ്ടിക്കാട്ടി ഇപി യോഗത്തിൽ നിന്നും ഒഴിഞ്ഞു മാറിയെന്നും എൽഡിഎഫിൽ നിന്നാരൊക്കെ സെമിനാറിൽ പങ്കെടുക്കണമെന്ന് തീരുമാനിക്കുന്ന വേളയിലും ഇപി എത്തിയില്ല. അതുകൊണ്ടു തന്നെ സെമിനാറിലേക്ക് ഇപിയെ പാർട്ടി പ്രത്യേകം ക്ഷണിച്ചതുമില്ല.
