തിരുവനന്തപുരം: ടെക്നോപാർക്കിലെ ഐ ടി ജീവനക്കാരുടെ ക്ഷേമ സംഘടന പ്രതിധ്വനി സംഘടിപ്പിക്കുന്ന വിവിധ ഐ ടി കമ്പനികൾ തമ്മിലുള്ള വനിതാ ഫുട്ബോൾ ടൂർണമെന്റ് ഉത്ഘാടനം കേരള നോലെഡ്ജ് ഇക്കോണമി മിഷൻ( KKEM) ഡയറക്ടർ ഡോ പി എസ് ശ്രീകല നിർവഹിക്കും. ഇന്ന് വൈകുന്നേരം 4 മണിക്ക് ടെക്നോപാർക്ക് ഗ്രൗണ്ടിൽ വച്ചാണ് ഉത്ഘാടനം.
ഇതു മൂന്നാം തവണയാണ് പ്രതിധ്വനി വനിതാ ഫുട്ബോൾ ടൂർണമെന്റ് (Raviz Prathidhwani Women 5s in association with Yoode) സംഘടിപ്പിക്കുന്നത്. ഇൻഫോസിസ്, യു എസ് ടി, അലയൻസ്, ടി സി എസ്, H& R, ക്വസ്റ്റ് ഗ്ലോബൽ, ടാറ്റാലക്സി, കെയർ സ്റ്റാക്ക്, Way.Com തുടങ്ങി 12 കമ്പനികളാണ് വനിതാ ഫുട്ബോൾ ടൂർണമെന്റിൽ പങ്കെടുക്കുന്നത്.
93 ഐ ടി കമ്പനികൾ പങ്കെടുക്കുന്ന മെൻസ് ടൂർണമെന്റ് 2 മാസം മുൻപ് ആരംഭിച്ചു പ്രീ ക്വാർട്ടറിലേക്ക് ഈ ആഴ്ച എത്തുകയാണ്. രണ്ടു ടൂർണമെന്റുകളും 27 ജൂലൈ 2023, വൈകുന്നേരം ടെക്നോപാർക്ക് ഗ്രൗണ്ടിൽ സമാപിക്കും.
