തിരുവനന്തപുരം: സംസ്ഥാനത്തെ ഹെവി വാഹനങ്ങളിൽ ഡ്രൈവർമാർക്കും ക്യാബിൻ യാത്രക്കാർക്കും സീറ്റ് ബെൽറ്റ് ധരിക്കാനുള്ള സമയപരിധി നീട്ടി. ഒക്ടോബർ 30 വരെ സാവകാശം നൽകിയതായി ഗതാഗത മന്ത്രി ആന്റണി രാജു അറിയിച്ചു. നവംബര് ഒന്ന് മുതല് സ്വകാര്യ ബസുകളിലും കെഎസ്ആര്ടിസി ബസുകളിലും ഇത് നിര്ബന്ധമാക്കും.
നേരത്തെ സെപ്റ്റംബര് ഒന്ന് മുതല് സീറ്റ് ബെല്റ്റ് കര്ശനമാക്കുമെന്നാണ് അറിയിച്ചിരുന്നത്. എന്നാല് റോഡ് സുരക്ഷ സംബന്ധിച്ച് ചേര്ന്ന ഉന്നതതല അവലോകന യോഗത്തിലാണ് സാവകാശം നല്കാൻ ധാരണയായത്.
