കഴക്കൂട്ടം: തോന്നയ്ക്കൽ മഹാദേവവിലാസം എൻ.എസ്.എസ്. കരയോഗത്തിന്റേയും, വനിതാ സമാജത്തിന്റേയും നേതൃത്വത്തിൽ സംഘടിപ്പിച്ച ഓണാഘോഷവും കുടുംബ സംഗമവും അത്തംനാളിൽ എൻ.എസ്.എസ്. വൈസ് പ്രസിഡന്റ് എം. സംഗീത് കുമാർ ഉദ്ഘാടനം ചെയ്തു.
കരയോഗം പ്രസിഡന്റ് തോന്നയ്ക്കൽ രവി അദ്ധ്യക്ഷത വഹിച്ചു. താലൂക്ക് യൂണിയൻ വൈസ് പ്രസിഡന്റ് കെ. കാർത്തികേയൻ നായർ വിദ്യാഭ്യാസ അവാർഡുകൾ വിതരണം ചെയ്തു. ചടങ്ങിൽ വച്ച് പഠന സഹായം, ഓണക്കോടി, ഓണക്കിറ്റ് തുടങ്ങിയവയും വിതരണം ചെയ്തു. കഴക്കൂട്ടം മേഖലാ കൺവീനർ എസ്. ഗോപിനാഥൻ നായർ , പള്ളിപ്പുറം മേഖലാ കൺവീനർ പി.മുരളീധരൻ നായർ, പ്രതിനിധി സഭാംഗം ആർ.രാജേഷ്, താലൂക്ക് യൂണിയൻ സെക്രട്ടറി വിജു വി. നായർ, കരയോഗം ഭാരവാഹികളായ എം.മണിയൻപിള്ള , കെ. ദിനേഷ് കുമാർ, ജീ . രാധാകൃഷ്ണൻ നായർ , ബി.രഘുനാഥൻ നായർ , ബി.പത്മിനി അമ്മ, ബീന സുരേഷ്, ഇന്ദുലേഖ. വി.എസ്. എന്നിവർ സംബന്ധിച്ചു.
കരയോഗം സെക്രട്ടറി ബി.സതികുമാർ സ്വാഗതവും, ട്രഷറർ എസ്. മോഹനകുമാർ കൃതജ്ഞതയും രേഖപ്പെടുത്തി.
