പാറശ്ശാല:പാറശ്ശാല ആർടിഒ ചെക്ക് പോസ്റ്റിൽ വിജിലൻസ് പരിശോധന. രാവിലെ അഞ്ചര മണിക്കാണ് പരിശോധന ആരംഭിച്ചത്. പറശ്ശാല ആർ ടി ഒ ചെക്ക്പോസ്റ്റിൽ നിന്നും 11900 രൂപ പിടിച്ചെടുത്തു.
സമീപത്തെ ടയർ കടയിൽ ടയറിനിടയിൽ ഒളിപ്പിച്ച നിലയിലാണ് പണം കണ്ടെത്തിയത്.
പാറശ്ശാല ആർ ടി ഒയ്‌ക്കെതിരെ നേരത്തെയും വ്യാപക പരാതികൾ ലഭിച്ചിരുന്നു. ഇതിന്റെ അടിസ്ഥാനത്തിൽ മാസങ്ങൾക്കു മുമ്പും വിജിലൻസ് പരിശോധന നടത്തിയിരുന്നു.
മാസങ്ങൾക്കു് മുമ്പ് നടത്തിയ പരിശോധനയിൽ തമിഴ്നാട്ടിൽ നിന്നും വന്നിരുന്ന വാഹന ഡ്രൈവർമാർ ആർ.സി ബുക്കിൽ 500, 300 രൂപ വച്ച്ചെക് പോസ്റ്റിൽ കൊടുക്കാൻ എത്തിയപ്പോൾ വിജിലൻസ് പിടികൂടിയിരുന്നു. വിജിലൻസ് സി. .ഐ. അഭിലാഷ് കെ.വിയുടെ നേതൃത്യത്തിലാണ് പരിശോധന നടത്തിയത്.
