കോട്ടയം: പുതുപ്പള്ളിയിൽ ഇന്ന് വിധിയെഴുത്ത്. വോട്ടെടുപ്പ് രാവിലെ ആരംഭിച്ചു.1,76,417 വോട്ടർമാരാണ് മണ്ഡലത്തിലുള്ളത്തിലുള്ളത്.ഇവരിൽ
നാലുപേർ ട്രാൻസ്‍ജൻഡർ വോട്ടർമാർ ആണ് . എൽ ഡി എഫ്, യു ഡി എഫ് സ്ഥാനാർത്ഥികൾ അവരവരുടെ ബൂത്തുകളിൽ വോട്ടു ചെയ്യും. എന്നാൽ ബി ജെ പി സ്ഥാനാർഥിക്ക് ഈ മണ്ഡലത്തിൽ വോട്ടില്ല.
മണ്ഡലത്തിലെ ചില ഹരിത പോളിംഗ് ബൂത്തുകൾ ശ്രദ്ധേയമായ ഒരു കാഴ്ചയായി. സാധാരണയിൽ നിന്നും വിഭിന്നമായി പ്ലാസ്റ്റിക് ഉൽപ്പന്നങ്ങൾ പാടെ ഉപേക്ഷിച്ച് തെങ്ങോല മുതലായ ജൈവ വസ്തുക്കൾ ഉപയോഗിച്ചാണ് ഇത്തരം ബൂത്തുകൾ സജ്ജമാക്കിയിരിക്കുന്നത്.
രാവിലെ മുതൽ ബൂത്തുകളിൽ നല്ല തിരക്കാണ് അനുഭവപ്പെടുന്നത്. ഉമ്മൻ ചാണ്ടിക്ക് പകരക്കാരനായി ആരാണ് പുതുപ്പള്ളിയെ നയിക്കുക എന്ന കാര്യത്തിൽ പൊതുജനങ്ങളും ഭരണകൂടവും അത്യന്തം ആകാംക്ഷയിലാണ്.
