തിരുവനന്തപുരം: നിപ്പ ആശങ്ക തിരുവനന്തപുരത്ത് ഒഴിയുന്നു. പനി ബാധിച്ച് നിരീക്ഷണത്തിനായിരുന്ന വിദ്യാർത്ഥിയുടെ പരിശോധന ഫലം പുറത്തുവന്നു. നെഗറ്റീവാണ് റിസൾട്ട്. തോന്നയ്ക്കൽ വൈറോളജി ഇൻസ്റ്റിറ്റ്യട്ടിലാണ് മെഡിക്കൽ വിദ്യാർഥിയുടെ സ്രവം പരിശോധനയ്ക്ക് അയച്ചത്.
ആദ്യമായിട്ടാണ് ഇൻസ്റ്റിറ്റ്യൂട്ടിൽ നിപ പരിശോധന നടത്തുന്നത്. പനി ബാധിച്ച വിദ്യാർത്ഥിയെ നിപ ആശങ്കകളുടെ പശ്ചാത്തലത്തിൽ മെഡിക്കൽ കോളെജിൽ നിരീക്ഷണത്തിലാക്കിയിരുന്നു. അതേസമയം, കോഴിക്കോട് നിപ ആശങ്ക വർധിച്ചു വരികയാണ്. ഇതുവരെ ആകെ അഞ്ച് പേർക്കാണ് നിപ സ്ഥിരീകരിച്ചത്.
