തിരുവനന്തപുരം: തുടർച്ചയായി രണ്ടം ദിനവും സ്വർണവിലയിൽ വർധനവുണ്ടായി. ഇന്ന് പവന് 160 രൂപ വർധിച്ച് ഒരു പവന് സ്വർണത്തിന്റെ വില 43,920 രൂപയായി. ഒരു ഗ്രാമിന് 20 രൂപയാണ് ഉയർന്നത്. 5490 രൂപയാണ് ഒരു ഗ്രാം സ്വർണത്തിന്റെ ഇന്നത്തെ വില.
ഇന്നലെയും പവന് 160 രൂപ വർധിച്ചിരുന്നു. കഴിഞ്ഞമാസം 21 മുതൽ സ്വർണവില ഉയരുന്ന കാഴ്ചയാണ് കണ്ടത്. രണ്ടാഴ്ചക്കിടെ ഏകദേശം 1000 രൂപ വർധിച്ച് 44,240 രൂപയായി ഉയർന്നു ഈ മാസത്തെ ഏറ്റവും ഉയർന്ന വിലയായി. തുടർന്നുള്ള 2 ദിവസങ്ങളിൽ സ്വർണവില കുറഞ്ഞിരുന്നു എങ്കിലും ഇപ്പോൾ വീണ്ടും ഉയർന്നു.
