തിരുവനന്തപുരം: തിരുവനന്തപുരം മെഡിക്കൽ കോളജിൽ മധ്യവയസ്കന്റെ ആത്മഹത്യാ ഭീഷണി. മരത്തിൽ കയറി നിന്നാണ് ആത്മഹത്യ ഭീഷണി മുഴക്കിയത്. മരത്തിൽ കയറിയ മധ്യവയസ്കനെ ഫയർഫോഴ്സ് താഴെയിറക്കി. ആക്കുളം സ്വദേശി ശിശുപാലനാണ് ആത്മഹത്യ ഭീഷണി മുഴക്കിയത്.
പൊലീസ് സ്ഥലത്തെത്തി ഇയാളെ അനുനയിപ്പിക്കാൻ ശ്രമം നടത്തിയെങ്കിലും ഫലമുണ്ടായില്ല. പിന്നീട് ഫർ ഫോഴ്സ് എത്തിയാണ് ശിശുപാലനെ മരത്തിൽ നിന്നും താഴെ ഇറക്കിയത്. ഇയാൾക്ക് മാനസിക വിഭ്രാന്തിയുണ്ടെന്ന് പൊലീസ് പറഞ്ഞു.
