കോട്ടയം: വളർത്തുനായ്ക്കളുടെ കാവലിൽ കഞ്ചാവ് കച്ചവടം നടത്തിയ കേസിൽ അറസ്റ്റിലായ റോബിന്‍ ജോർജ്.
തന്നെ കുടുക്കിയതാണ്. സുഹൃത്തായ അനന്തു പ്രസന്നന്‍ എന്നയാളാണ് കഞ്ചാവ് അടങ്ങിയ ബാഗ് തന്‍റെ വാടക വീട്ടിൽ കൊണ്ടുവച്ചതെന്നും അയാൾ ഇപ്പോൾ എവിടെയാണെന്ന് അറിയില്ലെന്നും റോബിൽ പറയുന്നു. തെളിവെടുപ്പിവിടെയാണ് റോബിൽ മാധ്യമങ്ങളോട് പ്രതികരിച്ചത്.
പൊലീസിൽ നിന്നും രക്ഷപ്പെട്ട് അഞ്ചാം ദിവസമാണ് റോബിനെ തമിഴ്നാട്ടിൽ നിന്നു കുടുങ്ങിയത്. ഇയാളുടെ സുഹൃത്തുക്കളെ കേന്ദ്രീകരിച്ച് നടത്തിയ അന്വേഷണമാണ് അറസ്റ്റിൽ കലാശിച്ചത്. കഴിഞ്ഞ ദിവസം റോബിന്‍റെ പിതാവിനെയും പൊലീസ് ചോദ്യം ചെയ്തിരുന്നു.
ഇതില്‍ നിന്ന് ലഭിച്ച സൂചനയുടെ അടിസ്ഥാനത്തിലാണ് കേസ് അന്വേഷണം തമിഴ്‌നാട്ടിലേക്ക് എത്തിയത്. കഴിഞ്ഞ 2 തവണയാണ് പ്രതി പൊലീസിന്‍റെ കണ്‍മുന്നില്‍ നിന്നു രക്ഷപെട്ടിരുന്നു. എന്നാൽ തമിഴ്‌നാട് പൊലീസിന്‍റെ കൂടി സഹായത്തോടെ അതിര്‍ത്തി ഗ്രാമങ്ങളില്‍ പൊലീസ് അന്വേഷണം നടത്തി. ഇതിനൊടുവിലാണ് ഇയാൾ പിടിയിലാവുന്നത്.
