തിരുവനന്തപുരം: തിരുവനന്തപുരത്ത് വീട്ടമ്മ മണ്ണണ്ണ ഒഴിച്ച് തീകൊളുത്തി ആത്മഹത്യ ചെയ്തു. കോട്ടൂർ സ്വദേശി സുജയാണ് ( 31) ഇന്നലെ രാവിലെ 7 മണിയോടെ മുറിക്കുള്ളിൽ ആത്മഹത്യ ചെയ്തത്. കോട്ടൂർ, കടമാംകുന്ന്, റോഡരികത്ത് വീട്ടിൽ സുനിലിൻ്റെ ഭാര്യയാണ് സുജ.
ഉടൻ തന്നെ തീ കെടുത്തി സുജയെ മെഡിക്കൽ കോളേജ് ആശുപത്രിയിൽ എത്തിച്ചു. 90% പെള്ളൽ ഏറ്റ സുജ ഇന്ന് രാവിലെ 7 മണിയോടെ മരണത്തിന് കീഴടങ്ങി. ഈ സമയം ഭർത്താവ് സുനിൽ വീടിന് പുറത്തായിരുന്നു എന്നാണ് സുനിൽ പറയുന്നത്. ആശാരി പണിക്കാരനായ സുനിലിനും സുജക്കും 10 വയസായ മകനും, രണ്ടര വയസായ മകളുമാണ് ഉള്ളത്.
അതെ സമയം സുജക്ക് ആത്മഹത്യ പ്രവണതയുള്ളതായും ഇത് സംബന്ധിച്ച് നെയ്യാർഡാം പോലീസിൽ പരാതി നൽകിയിട്ടുള്ളതായും സുനിൽ പറയുന്നു. ഒരു തവണ തൂങ്ങുകയും, കൈഞരമ്പ് മുറിച്ച് ആത്മഹത്യക്ക് ശ്രമിച്ചതായും പറയുന്നു.
