ഡൽഹി: പലിശ നിരക്കിൽ മാറ്റമില്ല. പ്പോ നിരക്ക് 6.5 ശതമാനത്തിൽ തന്നെ തുടരുമെന്ന് റിസർവ് ബാങ്ക് ഓഫ് ഇന്ത്യ. തുടർച്ചയായ നാലാം തവണയാണ് പലിശ നിരക്കിൽ മാറ്റമില്ലാത്തത്. ദ്വൈമാസ പണനയസമിതി യോഗത്തിനു ശേഷം ആർബിഐ ഗവർണർ ശക്തികാന്ത ദാസ് അറിയിച്ചു.
പണപ്പെരുപ്പത്തെ മോണിറ്ററി പോളിസി കമ്മിറ്റി (എംപിസി) നിരീക്ഷിച്ചു കൊണ്ടിരിക്കുകയാണെന്നും പണപ്പെരുപ്പം ലക്ഷ്യസ്ഥാനത്ത് എത്തിക്കാന്‍ കമ്മിറ്റി പ്രതിജ്ഞാബദ്ധരാണെന്നും ആര്‍ബിഐ ഗവര്‍ണര്‍ പറഞ്ഞു. 2022 മേയ് മുതൽ 2023 ഫെബ്രുവരി വരെ 250 അടിസ്ഥാന നിരക്ക് വർധിച്ചതിന് ശേഷം റിസർവ് ബാങ്ക് റിപ്പോ നിരക്കിൽ മാറ്റം വരുത്തിയിട്ടില്ല.
