തിരുവനന്തപുരം: സംസ്ഥാനത്ത് നവംബർ 5 മുതല്‍ പാചകവാതക വിതരണം മുടങ്ങും. എല്‍പിജി ട്രക്ക് ഡ്രൈവര്‍മാര്‍ അനശ്ചിതകാല സമരത്തിനൊരുങ്ങുന്നതിനാലാണ് പാചകവാതക വിതരണം മുടങ്ങുന്നത്. ശമ്പള വര്‍ധന ആവശ്യപ്പെട്ടാണ് ഇവർ സമരം നടത്തുന്നത്.
ഡിസംബറില്‍ വേതന കരാറിന്റെ കാലാവധി കഴിഞ്ഞിരുന്നു. തുടര്‍ന്ന് വിവിധ ഘട്ടങ്ങളിലായി ചര്‍ച്ച നടത്തിയിരുന്നെങ്കിലും പരിഹാരമായില്ല.
നവംബർ 5 മുതൽ എൽപിജി ഡ്രൈവർമാർ അനിശ്ചിതകാല പണിമുടക്ക് നടത്തുമെന്ന് തൊഴിലാളി സംഘടനകൾ അറിയിച്ചു. തൊഴിലാളികളുമായി ലേബര്‍ കമീഷണര്‍ നടത്തിയ ചര്‍ച്ച പരാജയപ്പെട്ട സാഹചര്യത്തിലാണ് സമരത്തിനിറങ്ങുന്നത്. ഇതോടെ സംസ്ഥാനത്തെ ഏഴ് പാചക വാതക പ്ലാന്റുകളില്‍ നിന്നുള്ള വിതരണം മുടങ്ങും.
