കോട്ടയം: കോട്ടയത്ത് അയ്യപ്പഭക്തര് സഞ്ചരിച്ച ബസ് അപകടത്തില് പെട്ടു. കോട്ടയം എരുമേലി അട്ടിവളവിലാണ് സംഭവം നടന്നത്. അപകടത്തിൽ 17 പേര്ക്ക് പരിക്കേറ്റു. ആരുടെയും പരിക്ക് ഗുരുതരമല്ല. 43 അംഗ സംഘം സഞ്ചരിച്ച ബസാണ് അപകടത്തിൽ പെട്ടത്. കർണാടക കോലാറിൽ നിന്നുള്ള അയ്യപ്പക്തരുടെ വാഹനമാണ് അപകടത്തിൽപ്പെട്ടത്.
പരിക്കേറ്റ 15 പേരെ കാഞ്ഞിരപ്പള്ളി താലൂക്ക് ആശുപത്രിയിലും 2 പേരെ കോട്ടയം മെഡിക്കൽ കോളേജിലും പ്രവേശിപ്പിച്ചു. അപകടത്തെ തുടർന്ന് ശബരിമല പാതയിൽ ഗതാഗത തടസം നേരിട്ടു. അപകട വിവരം അറിഞ്ഞതിന് പിന്നാലെ എരുമേലി പോലീസ് സ്ഥലത്തെത്തി.
