കഴക്കൂട്ടം: 26ന് കോഴിക്കോട് നടക്കുന്ന മുസ്ലിം ലീഗ് പാലസ്ഥീൻ ഐക്യദാർഢ്യ മഹാറാലിയുടെ വിളംബരവുമായി മുസ്ലിം ലീഗ് ചിറയിൻകീഴ് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ മംഗലപുരത്ത് പാലസ്ഥീൻ ഐക്യദാർഢ്യ പ്രകടനവും പ്രതിഷേധ സംഗമവും സംഘടിപ്പിച്ചു. മുസ്ലിം ലീഗ് സംസ്ഥാന സമിതി അംഗം പ്രഫസർ തോന്നയ്ക്കൽ ജമാൽ ഉത്ഘാടനം ചെയ്തു. മണ്ഡലം വൈ: പ്രസിഡന്റ് കടവിളാകം കബീർ അദ്ധ്യക്ഷത വഹിച്ചു. മണ്ഡലം ജന: സെക്രട്ടറി ജസീം ചിറയിൻകീഴ് സ്വാഗതം പറഞ്ഞു. മുസ്ലിം ലീഗ് ജില്ലാ സെക്രട്ടറി ഷഹീർ ജി അഹമ്മദ് മുഖ്യപ്രഭാഷണം നടത്തി.
മുനീർ കൂരവിള, മുട്ടപ്പലം നൗഷാദ്,നിസ്സാം എ.ആർ, യഹിയാഖാൻ, സലാം പൊയ്ക,തൗഫിക്ക് കാപ്പിക്കട, നവാസ് മാടൻവിള, ബദർ ലബ്ബ, ഫൈസൽ കിഴിവിലും മൻസൂർ ഗസ്സാലി, അൻസാരി പള്ളിനട, ഷാഫി മണലു വിള, റനീസ്, നൗഷാദ് മുടപുരം, ജമീല മെമ്പർ, സതീശൻ കടയ്ക്കാവൂർ, സിയാദ് കഠിനംകുളം, അൻസർ പെരുമാതുറ, റംസി അഹമ്മദ് എന്നിവർ പ്രസംഗിച്ചു.
തോന്നയ്ക്കൽ ആശാൻ സ്ക്വയറിൽ നിന്നും ആരംഭിച്ച പ്രകടനം പഞ്ചായത്ത് ആഫീസ് ചുറ്റി മംഗലപുരം ജംഗ്ലാഷനിൽ സമാപിച്ചു. പ്ലക്കാർഡുകളുമായി നൂറുകണക്കിന് പ്രവർത്തകർ പങ്കെടുത്തു.
