തിരുവനന്തപുരം: കേരളീയത്തിലെ ആദിവാസി പ്രദർശന വിവാദത്തിൽ പ്രതികരണവുമായി ദേവസ്വം വകുപ്പ് മന്ത്രി കെ രാധാകൃഷ്ണൻ. ഷോകേസിൽ വയ്ക്കേണ്ട ഒന്നല്ല ആദിവാസികളെന്നും തെറ്റ് പറ്റിയിട്ടുണ്ടെങ്കിൽ ഫോക് ലോർ അക്കാദമി പരിശോധിക്കണമെന്നും മന്ത്രി പറഞ്ഞു.
കനകക്കുന്നിൽ ആദിവാസി ഗോത്രവിഭാഗങ്ങളെ പ്രദർശിപ്പിച്ചതിൽ വൻ വിമർശനമാണ് കഴിഞ്ഞ ദിവസങ്ങളിൽ ഉയർന്നു വന്നത്. ഇതേ തുടർന്നാണ് പ്രതികരണവുമായി മന്ത്രി രംഗത്തെത്തിയത്. ആദിവാസികളെ ഷോകേസ് ചെയ്യാൻ പാടില്ലെന്നാണ് തന്റെ വ്യക്തിപരമായ അഭിപ്രായമെന്ന് മന്ത്രി വ്യക്തമാക്കി.
നിരുപദ്രവകരമായിട്ടാണ് ഫോക് ലോർ അക്കാദമി പ്രദർശനം സംഘടിപ്പിച്ചതെന്നും പഴയ കാര്യങ്ങൾ പുതുതലമുറയിലേക്ക് എത്തിക്കാനാണ് അവർ ശ്രമിച്ചതെന്നും മന്ത്രി കൂത്തിച്ചേർത്തു. എന്തായാലൂം തെറ്റ് പറ്റിയിട്ടുണ്ടെങ്കിൽ ഫോക് ലോർ അക്കാദമി പരിശോധിക്കണമെന്നും മന്ത്രി പറഞ്ഞു.
