തിരുവനന്തപുരം: സംസ്ഥാനത്ത് റേഷൻ വിതരണം മുടങ്ങി. ഇ-പോസ് സംവിധാനത്തിലെ തകരാറിനെതുടർന്നാണ് സംസ്ഥാനത്തുടനീളം റേഷൻ വിതരണം നിലച്ചത്. ഇന്ന് രാവിലെ മുതൽ റേഷൻ വിതരണം നടക്കുന്നില്ല. മാത്രമല്ല ഒ ടി പി വഴിയും ആധാർ ഓതന്റിഫിക്കേഷൻ വഴിയും റേഷൻ വിതരണം നൽകാൻ കഴിയുന്നില്ലെന്നാണ് റിപ്പോർട്ട്. രാവിലെ മുതൽ തന്നെ റേഷൻ വ്യാപാരികൾ ബുദ്ധിമുട്ട് അനുഭവിക്കുകയാണ്.
അതേസമയം, സാങ്കേതിക തകരാർ ഉടൻ പരിഹരിക്കുമെന്ന് ഭക്ഷ്യ മന്ത്രിയുടെ ഓഫീസ് അറിയിച്ചു. നെറ്റ് വർക്ക് തകരാറാണ് മെഷീൻ തകരാറിലാകാൻ കാരണമെന്നും അധികൃതർ പറയുന്നു. കഴിഞ്ഞ ദിവസങ്ങളിലും ഇ പോസ് മെഷീൻ തകരാറു മൂലം പല സ്ഥലങ്ങളിലും റേഷൻ വിതരണം മുടങ്ങിയിരുന്നു.
