തിരുവനന്തപുരം: വ്യാപാരി വ്യവസായി ഏകോപനസമിതി അണ്ടുർക്കോണം യൂണിറ്റ് കുടുംബ സുരക്ഷ പദ്ധതിയിൽ അംഗമായി മരണപ്പെട്ട ഗോപാലകൃഷ്ണന്റെ കുടുംബത്തിന് ധനസഹായം നൽകുന്നു. കുടുംബത്തിന് 10 ലക്ഷം രൂപയാണ് ധനസഹായമായി നൽകുന്നത്. നവംബർ 29 ന് അണ്ടൂർക്കോണം ജംഗ്ഷനിൽ വച്ച് നടക്കുന്ന പരിപാടിയിൽ കുടുംബത്തിന് ധനസഹായം കൈമാറും.
വ്യാപാരി വ്യവസായി ഏകോപനസമിതി അണ്ടുർക്കോണം യൂണിറ്റ് പ്രസിഡണ്ട് മുഹമ്മദ് ഷാഫി അധ്യക്ഷത വഹിക്കുന്ന ചടങ്ങ് അടൂർ പ്രകാശ് എം പി ഉദ്ഘാടനം ചെയ്യും. കടകംപള്ളി സുരേന്ദ്രൻ എം എൽ എ ധനസഹായം വിതരണം ചെയ്യും. പെരിങ്ങമ്മല രാമചന്ദ്രൻ മുഖ്യപ്രഭാഷണം നടത്തും.
അണ്ടൂർക്കോണം ഗ്രാമ പഞ്ചായത്ത് പ്രസിഡൻറ് ഹരികുമാർ വിദ്യാഭ്യാസ അവാർഡ് വിതരണവും പോത്തൻകോട് ഗ്രാമപഞ്ചായത്ത് പ്രസിഡൻറ് റ്റി ആർ. അനിൽ കുടുംബ സുരക്ഷ ഐഡി കാർഡ് വിതരണവും നിർവഹിക്കും. വ്യാപാരി വ്യവസായി ഏകോപനസമിതി അണ്ടുർക്കോണം യൂണിറ്റ് ജനറൽ സെക്രട്ടറി പറമ്പിപ്പാലം ഷിയാസ് ചടങ്ങിൽ സ്വാഗതം ആശംസിക്കും.
