തിരുവനന്തപുരം: തിരുവനന്തപുരം ചേങ്കോട്ടുകോണം തുണ്ടത്തിൽ ഹയർ സെക്കന്ററി സ്കൂളിൽ രണ്ട് ദിവസമായി നടന്നുവന്ന സംസ്ഥാന സബ് ജൂനിയർ ഫാസ്റ്റ് ഫൈവ് നെറ്റ് ബോൾ ചാമ്പ്യൻഷിപ്പ് സമാപിച്ചു. കുട്ടികളുടെ വാശിയേറിയ മത്സരത്തിൽ ആൺകുട്ടികളുടെ വിഭാഗത്തിൽ തിരുവനന്തപുരം ചാമ്പ്യന്മാരായി. കോഴിക്കോട് ആണ് രണ്ടാം സ്ഥാനം.
പെൺകുട്ടികളുടെ വിഭാഗത്തിൽ പത്തനംതിട്ട ചാമ്പ്യൻ മാരായി. വയനാടാണ് രണ്ടാം സ്ഥാനം ലഭിച്ചത്. സ്കോർ ( 34, 24)
സ്പോർട് കൌൺസിൽ സെക്രട്ടറി എ .ലീന സമ്മാനങ്ങൾ വിതരണം ചെയ്തു. സ്റ്റേറ്റ് സെക്രട്ടറി എസ്. നജുമുദീൻ അധ്യക്ഷത വഹിച്ചു.
കാര്യവട്ടം ശ്രീകണ്ഠൻ നായർ ,ജില്ല പ്രസിഡന്റ് ശശിധരൻ നായർ , യൂ. പി .സാബിറ , പ്രിൻസിപ്പൽ രാജീവ് , ജില്ല സെക്രട്ടറി ജൂഡ് ആന്റണി ,വൈസ് പ്രസിഡന്റ് ലതീഷ് പോത്തൻകോട്, റിയാസ് എന്നിവർ ചടങ്ങിൽ പങ്കെടുത്തു .
