കൊച്ചി: അന്തരിച്ച സി പി ഐ സംസ്ഥാന സെക്രട്ടറി കാനം രാജേന്ദ്രന്റെ മൃതദേഹം നാളെ തിരുവനന്തപുരത്ത് എത്തിക്കും. രാവിലെ 7 മണിക്ക് ഹെലികോപ്റ്റർ മാർഗമാണ് തലസ്ഥാനത്ത് എത്തിക്കുക. മൃതദേം ആദ്യം തിരുവനന്തപുരത്തെ ഇടപ്പഴിഞ്ഞിയിലെ വീട്ടിൽ പൊതുദര്ശനത്തിന് വയ്ക്കും. തുടര്ന്ന് പട്ടത്തെ പാര്ട്ടി ഓഫീസില് പൊതുദര്ശനത്തിന് വയ്ക്കും. ഉച്ചക്ക് 2 മണി വരെയാണ് പാർട്ടി ഓഫീസിൽ പൊതുദർശനത്തിനു വയ്ക്കുക.
അതിനു ശേഷം മൃതദേഹം തിരുവനന്തപുരത്ത് നിന്നും വിലാപയാത്രയായി കോട്ടയത്തേക്ക് കൊണ്ടുപോകും. എം.സി. റോഡ് വഴി വിലാപയാത്ര. സംസ്കാരം ഞായറാഴ്ച വാഴൂരിലെ സ്വവസതിയില് നടക്കും.
