തിരുവനന്തപുരം: സൊസൈറ്റി ഫോർ അസിസ്റ്റൻസ് ടു ഫിഷർവിമെൻ (സാഫ്) , അസാപ് മുഖേന മത്സ്യത്തൊഴിലാളി കുടുംബങ്ങളിലെ യുവതികൾക്ക് ഡിജിറ്റൽ മീഡിയ, മാർക്കറ്റിങ് ആൻഡ് അഡ്വർട്ടൈസിങ് വിഷയങ്ങളിൽ സൗജന്യ ഓൺലൈൻ പരിശീലനം നൽകുന്നു. മൂന്ന് മാസമാണ് കോഴ്‌സ് ദൈർഘ്യം.
ഫിഷർമെൻ ഫാമിലി രജിസ്റ്ററിൽ അംഗത്വമുള്ള 21നും 35നും ഇടയിൽ പ്രായമുള്ള ബിരുദധാരികൾക്കാണ് പ്രവേശനം. പരിശീലനം വിജയകരമായി പൂർത്തിയാക്കുന്നവർക്ക് ആറു മാസം സാഫിന്റെ യൂണിറ്റുകളിൽ പ്രയോഗിക പരിശീലനം നൽകും. നാല് വർഷത്തെ പ്രൊഫഷണൽ ഡിഗ്രിയുള്ളവർക്കും കമ്പ്യൂട്ടർ പരിജ്ഞാനമുള്ളവർക്കും മുൻഗണനയുണ്ടായിരിക്കുമെന്ന് സാഫ് ജില്ലാ നോഡൽ ഓഫീസർ അറിയിച്ചു.
അപേക്ഷാ ഫോം ജില്ലാ നോഡൽ ഓഫീസിലും www.safkerala.org വെബ്‌സൈറ്റിലും ലഭിക്കും. അവസാന തിയതി ഡിസംബർ 31. കൂടുതൽ വിവരങ്ങൾക്ക് 9847907161, 9895332871
