കഴക്കൂട്ടം: നവ കേരള സദസിനോട് അനുബന്ധിച്ച് കഴക്കൂട്ടം മണ്ഡലത്തിലെ കാര്യവട്ടം ഗ്രീൻഫീൽഡ് സ്റ്റേഡിയത്തിൽ 17 മുതൽ 23 വരെ നീണ്ടുനിൽക്കുന്ന മെഗാ എക്സിബിഷൻ “ഉത്സവം കഴക്കൂട്ടം ഫെസ്റ്റിന് ” തുടക്കമായി.ഡിഫറന്റ് ആർട്സ് സെന്റർ എക്സിക്യുട്ടീവ് ഡയറക്ടർ ഗോപിനാഥ് മുതുകാട് ഉദ്ഘാടനം ചെയ്തു.
വിവിധ സർക്കാർ അർദ്ധസർക്കാർ ഇതര വകുപ്പുകൾ സ്റ്റാളുകൾ വിജ്ഞാനവും വിനോദവും പകരുന്ന വൈവിധ്യമാർന്ന കാഴ്ചകളാണ് പവിലിയനുകളിൽ വിഎസ്എസ് സി ,ഫയർഫോഴ്സ്, കെഎസ്ഇബി ,അനർട്ട്, മെഡിക്കൽ , ഡെന്റൽ സ്റ്റാളുകൾക്ക് പുറമേ ഐടി മൊബൈൽസ് തുടങ്ങി എല്ലാ പ്രായത്തിലുള്ളവർക്കും കൗതുകം പകരുന്ന വിഭവങ്ങൾ ഇവിടെ അണിയിച്ചൊരുക്കിയിരിക്കുകയാണ്. എക്സിബിഷൻ സൗജന്യമാണ്.
വിഭവസമൃദ്ധമായ ഫുഡ് ഫെസ്റ്റിവലിനും തുടക്കമായി. ചടങ്ങിൽ കടകംപള്ളി സുരേന്ദ്രൻ എംഎൽഎ അധ്യക്ഷനായി,കുമാരനാശാൻ സാംസ്കാരിക ഇൻസ്റ്റിറ്റ്യൂട്ട് സെക്രട്ടറി വി ജയപ്രകാശ്, എസ് പി ദീപക്, കെ ശ്രീകുമാർ , ആർ ശ്രീകുമാർ ,എസ് പ്രശാന്ത് , അജികുമാർ തുടങ്ങിയവർ സംസാരിച്ചു.
